thridjudagurinn 22. mars

Sælt veri fólkið. Fullt tungl verður föstudaginn langa en þar sem fólki er tamt að skreppa út úr bænum um páskana var ákveðið að hentugast væri að hafa tunglfund snemma í þessari viku.

Við höfum fengið listamanninn Hauk Halldórsson til að halda smá fyrirlestur eða upplýsingaflæði þriðjudaginn næstkomandi. Hann mun ræða um gamla dagatalið sem hann hefur verið að stúdera í mörg ár, og áreiðanlega eitthvað fleira ef við höfum spurningar. Þessi fyrirlestur eða fundur verður haldinn á vinnustofu Hauks þar sem tölvan hans er til húsa, og því miður verðum við að takmarka fjölda fólks við 7-10 vegna rýmis. En er áhugi er mikill þá er kannski hægt að semja við Hauk um að halda annan fyrirlestur seinna.
Skráning og nánari upplýsingar um staðsetningu fást í gegnum netfangið skuggabaldur @ yahoo.com.

Með kveðju, stjóóórnin....

Fundargerð 22. febrúar 2005

Nú er fyrsti Tunglfundur ársins afstaðinn og tókst hann ágætlega.
7 mættu og má segja að það hafi verið einstaklega góðmennt þó fámennt væri.
Við ræddum um heima og geima og fengu þeir sem mættu auk stjórnenda að leggja sitt af mörkum til að gera Tunglfundina betri.
Frjáls umræða var um hluti eins og:
Tónlistarmeðferð, upplýsingaskyldu stjórnvalda, geðsjúkdóma, skyggni, spádómsgáfur, white noise og svo var stikklað á stóru í öðrum efnum einnig.

Næsti fundur er áætlaður 23. mars og standa stjórnendur í viðræðum við Hauk Halldórsson um að opna vinnustofu sína fyrir okkur og halda þar fyrirlestur um gamla tímatalið.
Þar sem húsrúm á vinnustofu hans er takmarkað er áhugasömum bent á að skrá sig á tunglfundir@hotmail.com

tunglfundur 22. februar

Jæja. Seint koma boðin en koma þó.
Ákveðið var að halda lítinn tunglfund annað kvöld, þriðjudag 22. febrúar kl.20, í félagsheimili Ásatrúarfélagsins, Grandagarði 8.

Reynt var að fá einhvern úr Stjörnuspekimiðstöðinni til að koma og spjalla við okkur um himintunglin og annað þeim skylt, en þrátt fyrir vilyrði þeirra (og hálfgert samþykki) þá varð ekki af því. Því verður þetta bara létt spjall um hvar fólk er statt í pælingum sínum og hvað við viljum fá að fræðast um á þessu ári. Endilega komið með bækur, hluti eða annað sem heilla ykkur og við hin þekkjum kannski ekki.

Þetta verður að öllum líkindum fremur skýr og skorinorður en þó skemmtilegur fundur og áreiðanlega ekki allt of langur, mætingargjald verður ekki innheimt, svo endilega sýnið ykkur og sjáið aðra!!!

Vegna vandamála með hotmail og msn í kvöld hefur fjöldapóstur ekki enn verið sendur út.

Kv, Skuggabaldur

skoðanakönnun á Yahoogroups.

http://groups.yahoo.com/group/fyrirlestrar_tunglfunda, sjá nýjustu skilaboð. Þetta eru kannanir varðandi hvaða dagur vikunnar henti fólki VERST og BEST fyrir tunglfundi. Væntanlega er óhjákvæmilegt að fundir lendi einhverntíman á óheppilegum degi fyrir fólk, en kannski er hægt að fækka þeim dögum sem "verst" verða úti.

Til árs og friðar, Skuggabaldur

Netföng

Þeir sem hafa gefið upp netföng sem skila sér til baka til okkar, hafa verið teknir af listanum.
Ef þú telur að þitt netfang eigi að vera á listanum en ert ekki að fá neinn póst þá sendu okkur póst á tunglfundir@hotmail.com og við lögum þetta í snarheitum.

Stjórnendur.

Dagsetningar tunglfunda 2005

Þessar dagsetningar eru birtar með fyrirvara um ófyrirsjáanlegar breytingar.
Dagsetningarnar eru breytilegar og vegna helga eða hátíða, lenda þær ekki alltaf daginn fyrir fullt tungl.

23. febrúar
23. mars (tvem dögum fyrr vegna páska)
25. apríl (vegna helgar)
24. maí (vegna helgar)
20. júni (tvem dögum fyrr vegna sólstöðuhátíðar)
20. júlí
18. ágúst
19. september (vegna helgar)
18. október (vegna helgar)
15. nóvember
14. desember

Endilega skiljið eftir athugasemdir hvernig ykkur finnst þetta.

Stjórnendur.